- Get link
- X
- Other Apps
នៅលើបណ្តាញសង្កមហ្វេសប៊ុកជនជាតិថៃបានរិះគន់យ៉ាងចាស់ដៃ ស្ទើរផ្អើលពេញប្រទេសថៃទៅហើយ ក្នុងនោះក៏មានអ្នកនិយាយលេងហ្វេសប៊ុកជនជាតិខ្មែរផងដែរ បានចូលរួមរិះគន់ ក្នុងន័យអោយបញ្ចប់ការលួចចំលងបទពីគេ ។ បទចម្រៀងដែលផេកថៃធ្វើការរិះគន់នោះគឺបទ«ស្ទាវសម័យ4G» របស់តារាចម្រៀងលោកម៉ៃ សុគន្ធ នៅក្នុងផលិតកម្ម Galaxy ដែលទើបតែបានចេញ និងបទចម្រៀងខ្មែរមួយបទទៀត បកស្រាយដោយលោកបញ្ញា សិទ្ធិ ។ បទចម្រៀងដែលថៃយកមកបាញ់ទាំង២បទនេះ មិនត្រឹមតែចម្លងខ្លឹមសារបទចម្រៀង និងសាច់ភ្លេងប៉ុណ្ណោះទេ ថែមទាំងយកស្ទីលកាយវិការសម្តែងក្នុងបទចម្រៀងរបស់គេមក ប្រើប្រាស់ថែមទៀត គួរឲ្យអៀនខ្មាសណាស់។ ទោះជាយ៉ាងណាអ្នកយកព័ត៌មានយើងនៅមិនទាន់បានទទួលការឆ្លើយបំភ្លឺ ឫប្រតិកម្មពីតារាចម្រៀងលោកម៉ៃ សុគន្ធ និងលោកបញ្ញា សិទ្ធិ ពាក់ព័ន្ធទៅនឹងការចម្លងបទចម្រៀងពីបរទេស ដែលរងការរិះគន់កក្រើកហ្វេសប៊ុកនោះនៅឡើយទេ ។ ចំពោះអ្នកលេងហ្វេសប៊ុកក្នុងប្រទេសខ្មែរវិញ មានការបញ្ចេញមតិយោបល់ស្នើសុំអោយអ្នកនិពន្ធខ្មែរ និងតារាចម្រៀងបញ្ឈប់ជាបន្ទាន់ នៅការលួចចម្លងពីគេ ដើម្បីកុំអោយប្រទេសជិតខាងបន្តម៉ាក់ងាយលើវិស័យសិល្បៈ និងចម្រៀងរបស់ខ្មែរ ។ សកម្មភាពទាំងនេះហើយ ដែលធ្វើឱ្យកិត្តិយសរបស់ប្រទេសជាតិអាប់អោនយ៉ាងខ្លាំង សម្រាប់អ្នកដែលចូលចិត្តលួចចម្លងបទចម្រៀងបរទេស ជាពិសេសនោះការលួចពីប្រទេសជិតខាង ។ ជាក់ស្តែងតាមការស្ទង់មតិនៅលើបណ្តាញទំនាក់ទំនង Line ដោយលើកជាឧទាហរណ៍ឡើង សួរថា «បទចម្រៀងដែល Copy ពីគេ តើជាកំហុសរបស់អ្នកណា?» ក្នុងចំណោមអ្នកនិយមលេង Line ជិត២ពាន់នាក់បានឆ្លើយថា ៖ ទី១. ចំនួនមនុស្ស១៥៤៦នាក់ បានឆ្លើយថា កំហុសមកពីអ្នកនិពន្ធ ។ ទី២. មនុស្ស២៩២នាក់ បានឆ្លើយថា កំហុសមកពីម្ចាស់ផលិតកម្ម ។ ទី៣. មនុស្ស៥៥នាក់ បានឆ្លើយថា កំហុសមកពីអ្វីផ្សេងៗទៀត ។ និងទី៤. មនុស្សតិចនាក់ណាស់ តែ៤៦នាក់ប៉ុណ្ណោះ បានឆ្លើយថា កំហុសមកពីអ្នកច្រៀង ។ ដើម្បីអោយជាក់ច្បាស់សូមមើលវីដេអូដែលផេកថៃយកមកបាញ់នៅលើហ្វេសប៊ុក ដូចខាងក្រោមនេះ ៖
Comments
Post a Comment